Манай байгууллагаас хүүхдийн хөгжлийг дэмжих зорилгын дор зохион байгуулдаг гол төсөл нь “Мы поедем в “Артек”” орос хэлний тэмцээнийг сэргээх төсөл юм. Энэхүү төслийг сэргээхээр 2017 оноос эхлэн ОУХТ “Артек” зуслан, ОХУ-ын ЭСЯ, Оросын Соёл Шинжлэх Ухааны Төвтэй хамтран зохион байгуулахаар бэлтгэл ажлыг эхлүүлснээр 2019 онд тэмцээнийг эргэн сэргээх анхны тэмцээнийг амжилттай явуулж чадсан юм. Сурагчдын дунд 1970 аад оны үед зохиогддог байсан “Мы поедем в “Артек”” орос хэлний тэмцээнийг сэргээх төслийг 2017 оны 10 сард эхлүүлсэн. 1989 оныг хүртэл зохиогдоод зогссон энэхүү тэмцээнийг тухайн үед Боловсролын Яам, МҮОНРТВ, Монголын Пионерийн Төв Зөвлөлөөс зохион байгуулдаг байсан бөгөөд тэмцээний ялагч багийн хүүхдүүд “Артек” зусланд амардаг байсан хүүхэд багачууд сургуулиудын дунд өрсөлдөөнтэй, хүүхэд багачуудын хайртай нэвтрүүлэг, тэмцээн байсан юм. Энэхүү уралдаанд одоогийн улс төрийн зүтгэлтнүүд, бизнесмен, олны танилууд оролцож байснаас дурдвал Монгол Улсын Ерөнхий сайд асан Норовын Алтанхуяг, УИХ-ын гишүүн АНУ-д суух Онц Бөгөөд Бүрэн Эрхт Элчин Сайд Ё.Отгонбаяр, УИХ-ын гишүүн БСШУСЯ-ны сайд асан Ц.Цогзолмаа, УИХ-ын гишүүн асан Баянгол Дүүргийн Засаг Дарга С.Одонтуяа, МҮОНРТВ-ын Ерөнхий Захирал Л.Нинжжамц, Монгол улсын гавьяат жүжигчин П.Эрдэнэзаан нар хүүхэд байхдаа “Мы поедем в “Артек”” тэмцээнд оролцож байжээ. Энэхүү тэмцээнийг 30 жилийн дараа эргэн сэргээх нь амаргүй ажил байсан хэдий ч хүүхдэд хайртай олон хүмүүсийн тусламжаар энэхүү тэмцээн эргэн ирж чадсан юм. Монголын Багачууд ТББ, ОУХТ “Артек” зуслангаас санаачилсан энэхүү төслийг ОХУ-ын ЭСЯ, Оросын Соёл Шинжлэх ухааны төв, МҮОНТВ, Нийслэлийн Гэр бүл хүүхэд хөгжлийн газраас албан ёсоор дэмжиж хамтран зохион байгуулсан юм. 30 жилийн өмнө зохион байгуулж байсан тэмцээнийг яг л тэр хэвээр нь явуулах зорилгоор “Мы поедем в “Артек”” тэмцээний хөтлөгч байсан МУИС-ийн доктор профессор В.И.Павлов багш төслийг удирдаж МҮОНРТВ-ийн Хүүхдийн редакцийн редактор Г.Дондогмаа, Монголын Пионерийн Төв Зөвлөлийн гадаад харилцааны хэлтсийн дарга Г.Урантүлхүүр, Нэвтрүүлэгч, Шинэ Долгион ФМ Радио 107.5 Захирал Хатагтай Ц.Ариунаа нар зөвлөж ажилласан бөгөөд нөр их хөдөлмөрийн хүчээр тэмцээний анхны утга, агуулга, хэлбэрийг тэр хэвээр нь хадгалж сэргээж чадсан юм. Тэмцээнийг зохион байгуулахад шаардлагатай хөрөнгө хүч, техник хэрэгслийг ивээн тэтгэж Шинэ Долгион ФМ Радио 107.5, Оросын Нутаг нэгтнүүдийн Монгол дахь зохицуулах төв, “Хаан Даатгал” ХХК, ТOYA Хүүхэд Хөгжлийн академи, Монгол улсын зөвлөх инженер Ж.Нямдорж нар хүч хөдөлмөрөө зориулан ивээн тэтгэсэн билээ. Орон даяар зохион байгуулах үндэсний төслийг хэрэгжүүлэхэд чамгүй их зүтгэл шаардагдаж, бэрхшээлүүд учирч байсан ч Монгол Улсын Ерөнхий сайд асан Н.Алтанхуяг, УИХ гишүүн, Боловсролын Сайд асан Ё.Отгонбаяр, УИХ-ын Гишүүн БСШУСЯ-ны сайд Ц.Цогзолмаа, ОХУ-ын ЭСЯ-ны нэгдүгээр нарийн бичгийн дарга, Оросын Соёл Шинжлэх Ухааны Төвийн Захирлын үүрэг гүйцэтгэгч Хатагтай Т.Ч.Будаева, МҮОНТВ-ын Ерөнхий Захирал Л.Нинжжамц, ОУХТ “Артек” зуслангийн тэргүүн дэд захирал И.В.Зобов, ОХУ-ын Ардын эмч, “Артек” зуслангийн Ерөнхий эмч О.Г.Парфенов, Боловсон хүчин хариуцсан захирал К.Н. Кавизина, “Монголын Багачууд” ТББ-ын Ерөнхийлөгч Б.Зоригт нарын нөр их хөдөлмөр, хүчин чармайлтын дүнд “Мы поедем в “Артек” тэмцээн хүүхэд багачууддаа эргэн ирсэн юм. Төслийг сэргээсэн анхны тэмцээнд 1000 орчим хүүхэд 100 гаруй багш нар, 27 сургуулийн баг оролцсон бөгөөд МҮОНТВ-ийн эфирээр 8 удаагийн нэвтрүүлэг болон давталттайгаар цацагдсан билээ. Тэмцээний үр дүнд Монгол улсаас 81 хүүхэд 2019 онд ОУХТ “Артек” зусланд амарч хөгжиж Боловсролын Олон улсын хөтөлбөрт хамрагдсан. Тэмцээнийг орос хэлний мэдлэгийн түвшингээр 3 ангилж ЕБС-ийн, гүнзгийрүүлсэн сургалттай сургуулийн, орос хэлний сургалттай сургуулийн гэсэн ангиллаар зохион байгуулсан. Монгол сургуулийн төрөлд “Ирээдүй” цогцолборын Ц.Мөнгөнцацрал багштай “Голос детей” баг аваргалж багаараа “Артек” зуслангийн 8 дугаар ээлжинд амрах эрх, алтан медалиар, Хэнтий аймгийн Бор-Өндөр сумын О.Тунгалаг багштай “Звезда” баг дараалж Мөнгөн медаль, багийн ахлагчийг “Артек” зусланд амрах эрхийн бичгээр тус тус шагнаж, 84 дүгээр сургуулийн Б.Замбага, Ж.Энхтуяа багштай “Мечта” баг удааллаа. Харин гүнзгийрүүлсэн сургалттай сургуулиудын төрөлд Дархан-Уул аймгийн СОЮЗ сургуулийн Батсүх багштай “Комета” баг түрүүлж алтан медалиар, “Артек” зуслангийн 10 дугаар ээлжинд амрах эрх, “Галакси” сургуулийн Валентина Александровна багштай “Галакси” баг Мөнгөн медаль, багийн ахлагчийг “Артек” зусланд амрах эрхийн бичгээр тус шагнаж, Эмпати сургуулийн “Полёт” баг хүрэл медаль хүртсэн. Орос сургуулийн төрөлд Эрдэнэтийн 19 дүгээр сургуулийн Екатерина Сергеевна багштай “Сокровище Эрдэнэта” баг алтан медаль хүртэж “Артек” зусланд амрах эрх, Орос Монголын хамтарсан сургуулийн Наталья Петровна, Наталья Сергеевна багш нартай Орос баг мөнгөн медаль “Океан” Бүх дэлхийн хүүхдийн зуслан явах эрхээр, Плехановын нэрэмжит сургуулийн “Найрамдал” баг хүрэл медалийн эзэн болсон юм. Тэмцээний алт мөнгө хүрэл медалийг үндэсний үйлдвэрлэгч “Хас гоёл”, “Юни Пресс” хэвлэлээр хэвлүүлж анхны эхийг ОУХТ “Артек” зусланд хадгалуулсан. Төслийн үр дүнг ОУХТ “Артек” зуслангийн удирдлага, ОХУ-ын Боловсрол Соёл Шинжлэх Ухааны Яамны зүгээс өндрөөр үнэлж 2 дахь ээлжийн тэмцээнийг дахин зохион байгуулах, финалын тэмцээнийг “Артек” зуслангийн тайзнаа зохион байгуулах санаачлага гаргасан юм. Үүний дүнд 2 дахь ээлжийн тэмцээн зохиогдож Орос Монголын хамтарсан сургуулийн “Инсайт”, Плехановын сургуулийн “Новое Поколение” багуудын нийт 20 хүүхэд “Артек” зусланд амарч, тэмцээний финалд амжилттай оролцоод ирсэн юм. Монгол хүүхдүүдийн орос хэлний чадвар, Оросын түүх соёлын талаархи мэдлэгийг орос нөхдүүд магтан биширч тэмцээнийг цаашид Олон улсын хэмжээнд зохиох санаачлагыг гаргаж билээ. Цаашид энэхүү тэмцээнийг жил бүр уламжлал болгон зохион байгуулах зорилтыг төслийн хамтран хэрэгжүүлэгч Оросын Соёл Шинжлэх Ухааны Төв, “Монголын Багачууд” ТББ болон ОУХТ “Артек” зуслангаас тавьж байгаа юм.